Өлкән буын һәм яшь шахматчылар үзара көч сынашты

"АРЧА.ШАХМАТ" проекты кысаларында "Шахмат буыннарны берләштерә" исеме астында шахмат турниры узды. Өлкән буын вәкилләре һәм иң оста яшь шахмат уйнаучылар 5 уен аша уздылар. Иң яшь шахмат уйнаучыга 8 яшь булса, иң өлкәне 85 яшьлек шахматчы иде. 20 уенчы арасында барган кызу көрәштә беркемнең дә бирешәсе килмәде.

Шулай итеп, нәтиҗәләр: 

Ветераннар арасында 1 урын - Марсель Хәлилов,

                                     2 урын - Мөдәрис Лотфуллин,

                                    3 урын - Нәфыйк Фәттахов.

Яшьләр арасында 1 урын - Алмаз Гатин,

                                2 урын - Инсаф Загидуллин,

                               3 урын - Илназ Галиев.

Гомуми командалар ярышына килгәндә, 31 очко җыеп, ветераннар командасы 1 урынга чыкты. 

Ярышлар тәмамланганнан соң, уенчылар җылы чәй белән сыйланды. Өстәл артында шахматчылар уеннан алган хис-кичерешләре белән уртаклашты. Өлкән буын вәкилләре яшьләргә карата соклану һәм горурлану хисләрен җиткерделәр.