Рамилгә - ике Рәхмәт хаты

Төбәк-Чокырча авылыннан Рамил Гатауллин махсус хәрби операциядә хезмәт итә. Без аның сөенечләре белән уртаклаштык. Бер-бер артлы ике грамота алды ул. Район башлыгы Алмаз Хисаметдиновның Рәхмәт хатын хезмәт иткән частька илтеп тапшырдылар.

Икенче Рәхмәт хаты – Рамил хезмәт иткән хәрби часть командованиесеннән. Рамилне хәрби хезмәттәге осталыгы, үз хезмәтенә бирелгәнлеге һәм Ватан алдында торган изге буручын намус белән үтәгәне өчен ихтирам итәләр, зурлыйлар һәм рәхмәт әйтәләр.

Рамилгә исән-сау туган ягына әйләнеп кайтырга язсын!