Үрнәктә референдумга гаиләләре белән киләләр

Яшь буын вәкилләре дә халык бердәм булганда гына күләмле эшләр башкарып булганлыгын аңлап, әти-әниләре үрнәгендә референдумга битараф калмый.

Озак еллар мәктәптә укыткан Алия Шәрип кызы Степанова , инде тиздән 80 яшен тутырырга җыенса да, килә алмыйм дигән сәбәп белән битараф калмыйча, җәяүләп участокка тавыш бирергә килгән. 

- Мин һәр сайлауга килеп тавышымны биреп китәм, - ди ул. - Үзара саылм акчасына башкарылган эшләр күз алдында. Зират төзелеше, урам юллары өчен җитәкчелеккә бик рәхмәтле без. Елга бер генә бирелә торган 300 сум күп түгел, 500 сум җыйганда да үзебезнең уңай тормыш шартлары өчен дип бирдек. Халыкка уҗайлы ббулган мондый программалар күбрәк булсын иде..

Референдум булса да, халыкның мөрәҗәгатьләрен кабул итә авыл җирлеге. Мәсәлән, бер ханым: "Түбән Пошалым авылындагы чишмәләрне дә яңартып рәткә китерсеннәр иде. Һәр йортка су кертелгән, ә чишмәләр ташландык хәлдә. Челтерәп агып утырган чишмәләр юкка чыкмасын иде",  - дип яза бер укучыбыз. Әлеге тәкъдим-сорауга Үрнәк авыл җирлеге башлыгы Илгиз Камалетдинов болай дип җавап бирде. "Быелгы эш планы эшләнде инде. шунлыктан. быелга кертеп булмый. Ә алдагы елларда планга кертербез", - диде ул. 

Көндезге 12 гә участокта 37 процент халык үз тавышын биргән.