Рөстәм Нурмиев: “Республикабыз, районыбыз һәрвакыт үсештә булсын, дип тавыш бирдем”

Арчадан Рөстәм Нурмиев быел сайлауда беренче тапкыр катнаша. Рөстәм Арчаның 6нчы мәктәбен тәмамлаган. Укуын Казан Федераль университетының тарих һәм инглиз теле бүлегендә дәвам итә. Мәктәп елларыннан ук тарих белән кызыксынган, тарих, сайлау хокукы фәннәре буенча олимпиадаларга призлы урыннар алган егет республика киләчәгенә битараф кала алмавын белдерде.

“Сайлау минем өчен мөһим вакыйга. Мин аңа зур җаваплылык хисе белән карыйм, – дип үз фикерләре белән уртаклашты яшь сайлаучы. – Мин мәктәптә укыганда ук Яшь сайлаучы клубында тордым. Мәктәп укучыларына, көллият студентларына сайлалуар турында чыгышлар ясадым. Республикабыз, районыбыз һәрвакыт үсештә. Туган ягыбыз киләчәктә дә үсештә булсын, матурлансын, яшьләр өчен яңа мөмкинлекләр тудырылсын, дип бүген үз тавышымны бирдем”.