Сроклар озайтылды. Тикшерү бара

Казан шәһәренең Яңа Савин суды матбугат хезмәте хәбәр итүенчә, 2020 елның 19 мартында тикшерүченең гаепләнгән Бариев Нияз Ильяс улын сак астында тоту срогын озайту турындагы гаризасы канәгатьләндерелгән, сак астында тоту срогы 2020 елның 21 маена кадәр озайтылган.

Әлеге эш буенча өй арестында булучы хезмәткәрләрнең дә арест срогы 2020 елның 21 маена кадәр озайтылган.

Билгеле булганча, 2020 елның 24 гыйнварында Яңа Савин суды Арча шәһәрендә законсыз акча алуда шикләнелүдә тоткарланган ЮХИДИ бүлекчәсе һәм автомәктәп хезмәткәрләренә карата чик кую чаралары билгеләгән иде.