Арча яңалыклары
Тагын 31 кеше өстәлгән
Тәүлек эчендә «коронавирус инфекциясе» диагнозы булган 38 кеше терелгән.
Татарстанда тәүлек эчендә коронавирус инфекциясен йоктыруның 31 очрагы теркәлгән. Бу хакта «Татар-информ» мәгълүмат агентлыгында узган матбугат конференциясендә Кулланучы хокукларын яклау өлкәсендә күзәтчелек хезмәтенең (Роспотребнадзор) Татарстан буенча идарәсе җитәкчесе урынбасары Любовь Авдонина сөйләде.
«Узган тәүлек эчендә яңа коронавирус инфекциясенең 31 яңа очрагы теркәлде", - диде Авдонина.
Любовь Авдонина тәүлек эчендә яңа коронавирус инфекциясенә 5141 тест үткәрелүен әйтте. Соңгы 14 көндә чит илләрдән килгән 90 кеше күзәтү астында кала.
ТР сәламәтлек саклау министры урынбасары Владимир Жаворонков хәбәр иткәнчә, тәүлек эчендә 38 татарстанлы коронавирустан дәваланган. Барлыгы 4017 кеше сәламәтләнгән.
Следите за самым важным и интересным в Telegram-каналеТатмедиа
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев