Тагын ике кеше яңа коронавирус инфекциясеннән үлгән

Бу хакта «Татар-информ» мәгълүмат агентлыгында узган матбугат конференциясендә Роспотребнадзорның ТР буенча идарәсе җитәкчесе урынбасары Любовь Авдонина сөйләде. 

Шул исәптән Татарстанда коронавирустан тагын ике үлем очрагы теркәлгән. 

Шуларның берсе — 1945 елда туган ир-ат. Ул ике яклы пневмония белән республика клиник хастаханәсенә салына. Пациентның йөрәк-кан тамырлары системасының җитди хроник авырулары булган.

«Коронавирус булу лаборатор тикшерү нәтиҗәсендә расланган», — диелә министрлык хәбәрендә.

Covid-19 нәтиҗәсендә барлыкка килгән ике яклы пневмония белән 1959 елда туган Әлмәт кешесе дә шәһәренең йогышлы авырулар бүлегенә хастаханәгә салына. Авыруның хәле озакка сузылган йөрәк-кан тамырлары авыруларының кискенләшүе аркасында катлаулана. Үлемнең сәбәбе аутопсия нәтиҗәсендә билгеләнгән.

Татарстанда Сovid-19 вирусы тарала башлаганнан бирле 64 кеше үлгән.

Татар-информ: https://tatar-inform.tatar/news/health/08-09-2020/tatarstanda-koronavirustan-tagyn-ike-lem-ochragy-terk-lg-n-dd8ff759-d681-4344-bb9c-cf69da7a5175