erid:LgsiSnffX
Арча хэбэрлэрэ (Арский вестник)

Арча районы

16+
Рус Тат
2024 - Гаилә елы
Арча яңалыклары

Татарстанда коронавирусның 5 яңа очрагы ачыкланган

«Аларның дүртесе – Татарстан гражданнары, бишенчесе — Россиянең башка төбәгеннән. Хәзерге вакытта барысы да Республика клиник йогышлы авырулар хастаханәсендә дәвалана», - диде ТР Президентының матбугат хезмәте җитәкчесе Лилия Галимова.

(Казан, 21 март, «Татар-информ»). Татарстан табиблары республикага чит илләрдән кайткан һәм башка кешеләр белән контактка кермәгән гражданнарда коронавирусның 5 яңа очрагын ачыклаган. Бу хакта «Татар-информ» агентлыгына ТР Президентының матбугат хезмәте җитәкчесе Лилия Галимова хәбәр итте.

«Аларның дүртесе – Татарстан гражданнары, бишенчесе — Россиянең башка төбәгеннән. Хәзерге вакытта барысы да Республика клиник йогышлы авырулар хастаханәсендә дәвалана», - диде ул.

Франциядән кайткан ике кешене Республика клиник йогышлы авырулар хастаханәсенә аэропорттан алып килгәннәр.

Тагын 3 кеше Швейцария һәм Испаниядән кайтканнан соң карантинда утырган, аларны хастаханәгә өйләреннән китергәннәр.

erid:2Vtzqwy9AuJ erid:2Vtzqwy9AuJ

«Коронавирус йоктыручыларның барысы да табиблар күзәтүендә. Пациентлар үзләрен яхшы хис итә, хәлләре канәгатьләнерлек, температуралары юк, авыру җиңелчә формада уза», - дип искәртте Галимова.

Роспотребнадзор мәгълүматлары буенча, бүгенге көндә Россиядә коронавирус инфекциясенең 253 очрагы теркәлгән, аларның күбесе – Мәскәүдә һәм Санкт-Петербургта.

Татарстанда 15 апрельгә кадәр яңа төрдәге коронавирус таралу куркынычы аркасында махсус санитар-эпидемиологик режим кертелде. Чит илдән кайткан барлык гражданнарны кайнар элемтәгә мөрәҗәгать итәргә һәм ирекле карантин узарга чакыралар. Кайнар элемтә телефоны: 8 (800-22) 2-59-00.

Следите за самым важным и интересным в Telegram-каналеТатмедиа

Хәзер Арча һәм Арча районы яңалыкларын безнең Telegram-каналдан да белә аласыз

 


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

Теги: Арча хәбәрләре