Татарстанда кырау төшү аркасында кисәтү игълан ителде
17 майдан 18енә каршы төндә һава шартларының начараюы көтелә.
(Казан, 16 май, «Татар-информ», Полина Шевчук). Татарстанда кырау төшү аркасында кисәтү игълан ителде. Бу хакта «Татар-информ» агентлыгына «Татарстан Республикасы Гидрометеорология һәм әйләнә-тирә мохитне күзәтү идарәсе» федераль дәүләт бюджет учреждениесенең матбугат хезмәтеннән хәбәр иттеләр.
Идарә мәгълүматлары буенча, 17 майдан 18енә каршы төндә республика территориясендә урыны белән -2 градуска кадәр кырау көтелә.
ТР Гадәттән тыш хәлләр министрлыгында искәртүләренчә, һава шартларының начараюы зур куркыныч тудырырга мөмкин. Машина йөртүчеләргә шәһәрдән читкә чыкмаска, трассада куркынычсыз тизлекне саклап хәрәкәт итәргә, кискен маневрлар ясамаска киңәш ителә.
Җәяүлеләргә бик тә игътибарлы булырга, юл аша тиешле урыннардан гына чыгарга кирәк.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев