Тиздән мәктәпләрдә көзге каникуллар башлана

Үзегезнең тынычлыгыгыз өчен йортта (фатирда) янгын чыкканын белдерүче приборлар урнаштырырга һәм ут сүндергечләр сатып алырга, шулай ук йорттагы электр үткәргечләрне куркынычсыз хәлгә китерергә киңәш итәбез.
 Балалар белән аңлату әңгәмәләре үткәрегез, аларны гадәттән тыш хәлләрдә үз-үзеңне тоту кагыйдәләренә өйрәтегез. Балаларыгыз өчен һәрвакыт үрнәк булыгыз. Өйдә күзгә күренеп торган урында ашыгыч ярдәм күрсәтү хезмәтләре исемлеге булсын һәм гадәттән тыш хәл булган очракта балагыз кирәкле номер буенча шалтырата белсен. 
Балаларга ут белән шаяруның куркынычлыгы турында ешрак исләренә төшерегез. Балаларга янгын вакытында өйдә (фатирда) качмас-ка, мөмкин кадәр тизрәк янган бинадан чыгарга кирәклеген аңлатыгыз. Кече яшьтәге балаларны өйдә ялгыз кадырмагыз. Балаларга ягып җылыту мичләрен, газ плитәләрен һәм башка ачык ут чыганакларын  карауны  беркайчан да йөкләмәгез. 
Исегездә тотыгыз, ут хаталар кичерми. Гадәттән тыш хәл булган очракта  01, 101,  112 номерлары буенча шалтыратыгыз. Үзегезне һәм туганнарыгызның тормышын саклагыз!

 Адель Шакирҗанов,
 Арча һәм Әтнә районнары буенча  янгын күзәтчелеге бүлеге инспекторы