Уф, йөрәгем!

Бер заман биек коймадан карадан киенгән берәү өстемә сикермәсенме?!

Шулай тоелды. Йөрәк табан астына төшеп китте.

Уф, йөрәгем...

Егет кагынды да, бернәрсә булмагандай юлын дәвам итте. Мин:

- Нишләп койма аша йөрисең, ишек бар бит, - дип сорадым.

- Ишек янында су бит! - дип җавап бирде егет.

Арча стадионында булды бу хәл. Стадионнан Арчаның шәрык ягына чыгып китә торган ишек, чыннан да, су эчендә иде.
Менә шулай, тормышта кызык хәлләр дә була.

Кызыклары гына була күрсен.

Су басулар кызганыч хәлләр китереп чыгара күрмәсен.