Урта Курса авылындагы көрәштә тәкәне Булат Шакиров алды!

Бүген Урта Курса мәктәбе спорт залында "Курса МТСы" җитәкчесе Рәүф Гыйләҗетдинов призына татарча көрәш ярышы булды. Ярышта 87 көрәшче катнашты. Рәүф Гыйләҗетдинов ел да көрәш батырына тәкә бүләк итә. Бүген тәкәне Арчаның 6нчы мәктәбе укучысы Булат Шакиров алды. Тренеры - Фәнил Һидиятуллин. 2007 елгы 9 сыйныф укучысы Булат 75 кг.югарырак авырлыктагылар белән көрәшә. Авыр үлчәүдәге көрәшче үсеп килә. Котлыйбыз! Мәктәп командалары арасында 1урында - Урта Курса мәктәбе (тренеры Марат Әхмәдиев), 2нче - Лесхоз, 3нче - Түбән Мәтәскә мәктәбе (икесенең дә ренерлары Илүс Әскәров), 4нче урында Наласа мәктәбе (тренеры Рәис Галиев) алды.