Ветераннарны хөрмәтлиләр

Бөек Җиңү бәйрәме якынлаша. Шул уңайдан, Арча-Әтнә хәрби комиссары-Алмаз Борһанов, яшь армияче, кадетчы егетләр белән бергәләп, шулай ук, Арча мөхтәсибәте Әмир хәзрәт хөрмәтле ветераннарыбызга "Җиңү икмәге" дип аталган акция астында әзерләгән бүләкләрне тапшыра башлады. Шулай ук, мөфтиебез Камил хәзрәт җибәргән сәламне һәм бүләкләрне дә тапшырганнар.
-- Сөекле пәйгамбәребез Мөхәммәд (аңа Аллаһның сәләме һәм рәхмәте булсын) әйткән: “Ватанны ярату – иманнандыр”, - дип сөйли Әмир хәзрәт. -- Ватанны ярату – ул Адәм баласының фитри иманыннандыр. Аллаһка якынаюның бер ысулы ватанны яратудыр. Ватаныбызны сөеп, хәлдән килгәнчә кайгыртып, яхшыртып торсак иде, әй мөселман кардәшләрем.