Арча яңалыклары
Зөлфәт Галиуллин 30 млн. сумлык тракторны саклап калды
Яңа Кишет гаражында эретеп ябыштыру эшләрен алып барганда янгын чыга.
Бинаны тиз арада төтен баса. Яңа кайткан 30 млн.сумлык тракторны шунда керткән булалар.
- Мин бу вакытта Иске Кишеттә паркта үземә беркетелгән агрегатларны көйли идем, - ди Зөлфәт Галиуллин. - Төтенне күрүгә шунда ашыктык.
Зөлфәтнең куәтле тракторда эшләү тәҗрибәсе бар. Әмма гаражда берни күрерлек булмый. "Башта без ул тракторны өстерәтеп алып чыкмакчы булдык. Әмма барып чыкмады. Шуннан капшап кабинага мендек, тиз кабынды үзе, чыгу юлын кычкырып, куллар белән ишарәләп күрсәтеп тордылар."
Узган шимбәдә район авыл хуҗалыгы һәм азык-төлек идарәсе җитәкчесе Ренат Гатиятов батыр егеткә Рәхмәт хаты , бүләк тапшырды. Ширкәт җитәкчесе акчалата премия белән бүләкләде.
Следите за самым важным и интересным в Telegram-каналеТатмедиа
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев