Арча яңалыклары
Зәйтүнә апа Гарипова вафат
Аны ул чакта башкаларга үрнәк итеп куйдылар.
Яңа Кырлай авылында яшәүче Зәйтүнә апа Гарипова вафат булды. Авыл мәчетендә дин дәресләре алып бара иде. Әле күптән түгел генә Арча үзәк мәчетендә мөгаллимәләр арасында барган ярышта бик матур чыгыш ясап, җиңеп чыккан иде. Аны ул чакта башкаларга үрнәк итеп куйдылар. Аның янып-янып сөйләвеннән үк үз эшен яратып башкаруы күренде. Ә мәчеттә нинди генә чаралар оештырмый иде? Зәйтүнә апа, урының оҗмахта булсын.
Элек Арча радиосында диктор булып эшләгән, хәзерге вакытта ТНВда “Туган җир” тапшыруы алып баручы улы Рамил Гариповның, якыннарының авыр кайгыларын чын күңелдән уртаклашабыз. Ходай сезгә сабырлык бирсен.
Следите за самым важным и интересным в Telegram-каналеТатмедиа
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев