Арчаның икенче балалар бакчасында шаулап-гөрләп профсоюз чыршы бәйрәме үтте

 Менә үзенең  борчу-мәшәкатьләре, шатлык-куанычлары белән тагын бер ел үтеп китте. Аның урынына тагын да күбрәк бәхет-шатлыклы, күнелле вакыйгалар алып  Яңа ел аяк баса.

Әлеге бәйрәмне балалар түземсезлек белән көтеп алалар. Шул уңайдан  26 декабрь көне Арчаның икенче балалар бакчасында профсоюз хезмәткәрләренең балаларына оештырган Яңа ел бәйрәме үтте. Бәйрәмгә хезмәткәрләребезнең балалары килде. Яңа ел тамашасы  биюләргә, җырларга, уеннарга, сюрпризларга бик бай булды. Бәйрәмнең төп кунаклары Кыш бабай белән Кар кызы балалар белән күңел ачтылар, чыршы әйләнәсендә җырлар җырладылар. Бәйрәм ахырында Кыш бабай балаларга бүләкләр таратты, аларны кочты, битләрен чеметте. Кичәбез бик күңелле узды.

Барлык балаларны, балалар бакчасы хезмәткәрләрен Яңа еллар белән тәбрик итәбез. Яңа ел безгә бары яхшы хәбәрләр, муллык, тазалык, гаиләләребезгә иминлек, тынычлык алып килсен иде.

Тәнзилә Бәйрамова, профсоюз рәисе,

Ландыш Фәхретдинова, культмасса секторы