«Чишмәкәй» балалар бакчасында узган экологик чарада әти-әниләр дә катнашты

автор, 28 ноябрь 2022 - 08:55

1217

Арчаның 10 нчы номерлы балалар бакчасында 23 ноябрьдә 1нче номерлы уртанчылар төркемдә әти-әниләр һәм балалар белән берлектә «Табигать белгечләре» исемле экологик уен оештырылды.

«Чишмәкәй» балалар бакчасында узган экологик чарада әти-әниләр дә катнашты

Әти-әниләр "Табигать" һәм "Җир" командаларына бүленде. Капитаннар командаларны тәкъдим итте, девизлар әйтелде.

Уенны чын жюри хөкем итте. Балаларга кунакка Турист килде, ул табигатьтә үз-үзеңне тоту кагыйдәләрен бозды һәм балалар аны табигатьне сакларга өйрәтте. "Табигать турында табышмаклар", "Кем чүп-чарны тизрәк җыя", "Өй эше", "Рәсемеңне җый", "Табигатьтә үз-үзеңне тоту кагыйдәләре" конкурслары белемле һәм мавыктыргыч булды.

Балалар табигать һәм хайваннар турында шигырьләр сөйләделәр. Уен ахырында жюри балаларга медальләр һәм әти-әниләргә таныклык тапшырды. Бәйрәмнән балалар да, әти-әниләр дә бик канәгать калдылар.