Онытылмас хатирә

Башта Шушмабаш авылы җирлегеннән мобилизацияләнгән солдатларның гаиләләрен барладылар. Барлап кына калмадылар, Сәрдәбаш, Шушмабаш, Носы авылларында уллары, ирләре мобилизацияләнгән гаиләләрдә булдылар. Укучылар батыр ир-егетләрнең хәлләре белән кызыксындылар, әти-әниләренә, туганнарына, тормыш иптәшләренә рәхмәт сүзләрен җиткерделәр. Очрашу ахырында чиккән кулъяулыклар тапшырдылар һәм ашыйсы ризыклары, эчәсе сулары өзелмәсен дип теләп, символик күчтәнәчләр – түгәрәк икмәк, пачкалы чәй бирделәр. Һәр очрашу укучылар өчен онытылмас хатирә булды.

Ир-егетләр туган авылларына исән-сау әйләнеп кайтсыннар, дөньялар имин булсын дигән теләктә калабыз.

Фирая Мортазина,

Носы мәктәбе укытучысы