Хат тег белән яңалыклар

Дүрт буын – бергә!

Элек бер йортта берничә гаилә көн күргән. Башка чыгып яшәү мөмкинлеге булмаган гаиләләр гореф-гадәтләрне саклап, тыныч кына һәрберсенә йөкләнгән вазыйфаны башкарып, балалар үстергәннәр. Билгеле, мөмкинлек булу белән йорт салып, аерым яши башлаучылары да арткан. Шулай итеп авыллар да зурайган, халкы да ишәйгән. Әбиләр сөйләве буенча, бер йортта ике-өч гаилә дус-тату яшәргә тырышканнар. Билгеле, төрле чаклары булгандыр. Ләкин татар халкының сабырлыгы, тыйнаклыгы көчле булып, әдәп-әхлак сыйфатларын саклап яшәве үрнәк дип саныйм.