1 ноябрьдә эш көне кыскартылачак

Чөнки ул бәйрәм алды дип санала, дип сөйләгән РИА Новостига Россия халык хуҗалыгы һәм дәүләт хезмәте академиясе эксперты Татьяна Подольская.
"Шимбә, 1 ноябрь, эш көне дип игълан ителде, ләкин биш көнлек эшләүче хезмәткәрләр өчен ул бер сәгатькә кыскартылачак, чөнки бәйрәм алды көне булып санала", - дигән Подольская.

Ул билгеләп үткәнчә, бу ял көнен шимбәдән дүшәмбегә, 3 ноябрьгә күчерү белән бәйле, чөнки бәйрәм алдыннан эш көне закон буенча кыскартылырга тиеш.
Подольская шулай ук россиялеләрне ноябрь башында өч көннән торган кыскартылган эш атнасы көтә, дип өстәгән. Дүшәмбе, 3 ноябрь - башка көнгә күчерелү сәбәпле, ә сишәмбе, 4 ноябрь - Халыклар бердәмлеге көнен, 6 ноябрь исә Татарстанда ТР Конституциясе көнен бәйрәм итүгә бәйле рәвештә ял көне булачак.
Халыклар бердәмлеге көне Россиядә ел саен 4 ноябрьдә билгеләп үтелә. Ул 2004 елның 29 декабрендәге "Россиянең Хәрби дан көннәре (Җиңү көннәре) турында "гы Федераль законның 1 статьясына үзгәрешләр кертү хакында" гы Федераль закон белән гамәлгә куелды.

Чыганак: https://shahrikazan.ru/news/kyskaca-ianalyklar/1-noiabrda-es-kone-kyskartylacak