8-11 сыйныф укучылары арасында «Кулланучылар хокукларын яклау» темасына 12 нче республика олимпиадасы старт алды

Олимпиаданы Татарстан Республикасы Дәүләт алкоголь инспекциясе һәм Татарстан Республикасы Мәгариф һәм фән Министрлыгы оештыра.

Олимпиаданы уздыру вакыты:

Олимпиадада https://www.tatzpp.ru сылтамасы аша сайтта  теркәлгән ирекле нигездә гомуми белем бирү оешмаларының төп гомуми һәм урта гомуми белем бирү программаларын үзләштерүче 8-11 сыйныф укучылары катнаша ала.

Теркәлү 2024 елның 2 сентябреннән 17 сентябренә кадәр үткәрелә.

Исегезгә төшерәбез, Олимпиада өч этаптан тора:

I этап - беренчел (сайлап алу) - 2024 елның 25 сентябреннән 02 октябренә кадәр уздырыла. Теркәлгән катнашучылар I этапны тест биремен үтәү рәвешендә дистанцион формада узалар.

Тест биремнәре 2024 елның 25 сентябрендә кулланучылар хокукларын яклау порталының «Олимпиада» бүлегендә урнаштырыла.

Олимпиаданың I этабын узу нәтиҗәләре турында мәгълүмат Кулланучылар хокукларын яклау порталында, «Олимпиада» бүлегендә 2024 елның 9 октябреннән дә соңга калмыйча урнаштырыла.

II этап - 2024 елның 9 октябреннән 16 октябренә кадәр дистанцион формада, кулланучылар хокукларын яклау өлкәсендә бирелгән тематикага эссе рәвешендә иҗади бирем үтәү рәвешендә уздырыла. Эссе темалары турындагы мәгълүмат Кулланучылар хокукларын яклау порталында 2024 елның 09 октябрендә «Олимпиада» бүлегендә урнаштырыла.

Олимпиаданың әлеге этабын узу нәтиҗәләре турында мәгълүмат Кулланучылар хокукларын яклау порталында «Олимпиада» бүлегендә 2024 елның 28 октябренә кадәр урнаштырыла.

III этап (йомгаклау) - 2024 елның 30 октябреннән 15 ноябренә кадәр дистанцион формада видеоконференцияләр өчен платформа ярдәмендә уздырыла. III этапка олимпиаданың II этабында иң күп балл җыйган һәр яшь категориясеннән 50гә кадәр катнашучы кертелә.

III этапны үткәрүнең конкрет даталары һәм вакыты турында мәгълүмат 2024 елның 28 октябрендә кулланучылар хокукларын яклау порталында «Олимпиада» бүлегендә урнаштырылачак.

III этап конкурсантлар белән әңгәмә рәвешендә билетлар буенча сорау һәм җавап рәвешендә үткәрелә. Билет Олимпиадада катнашучы тарафыннан тәкъдим ителгән билет номерларыннан «ябык» хәлдә очраклы сайлап алу ысулы белән мөстәкыйль сайлана. Җавап әзерләүгә 5 минут вакыт бирелә.

Олимпиадада катнашучылар әңгәмәне рус телендә дә, татар телендә дә узарга мөмкиннәр.

Катнашучылар өчен Олимпиадага йомгаклар 2024 елның 25 ноябренә кадәр ясала.

Олимпиадада җиңүчеләр һәм призерлар дипломнар һәм кыйммәтле бүләкләр белән бүләкләнәләр.

Олимпиаданы уздыру шартлары, тәртибе һәм сроклары турында тулырак Татарстан Республикасының кулланучылар хокукларын яклау порталында «Кулланучылар хокукларын яклау олимпиадасы» бүлегендә танышырга мөмкин.

Укучыларны Олимпиадада катнашырга чакырабыз!

Татарстан Республикасы Дәүләт алкоголь инспекциясенең Арча территориаль органы