Арча шәһәрендә җитәкче алмашынды
Татарстанның Арча районы үзәге — Арча шәһәре башкарма комитеты җитәкчесе Рөстәм Касыймов вазифасын вакытыннан алда калдырды.
Рәсми карарны шәһәр Советы кабул итте. Ул Татарстанның хокукый мәгълүмат порталында басылып чыкты. Документка Арча районы һәм Арча шәһәре башлыгы Алмаз Хисаметдинов кул куйган.
Карарда вазифадан китү сәбәбе болай дип күрсәтелә: «үз теләге буенча, шәхси гариза нигезендә». Рөстәм Касыймовның вәкаләтләре 20 февраль көнне туктатылган.
Рөстәм Касыймов 1973 елның 15 гыйнварында туган. Ул Арча шәһәре башкарма комитетын 2015 елның октябреннән башлап, ун елдан артык җитәкләде.
Чыганак: Татар-информ
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев