Авыл җирендә эшләүче мәдәният хезмәткәрләре 2 млн сум ала алачак

2025 елдан Россиядә “Авыл мәдәният хезмәткәре” (“Земский работник культуры”- рус.) программасы эшли башлаячак. Федераль Җыенга юлламасында ил лидеры Владимир Путин шулай дип белдерде.

“Авыл укытучысы” һәм “Авыл табибы” программалары аналогиясе буенча, 2025 елда “Авыл мәдәният хезмәткәре” программасын эшләтеп җибәрәчәкбез. Кешеләр очрашуларда һәрвакыт шул хакта сөйли. Авыл җиренә яисә кечкенә шәһәргә күченеп кайткан белгеч бер тапкыр бирелә торган 1 миллион сум алачак. Ә Ерак Көнчыгыш, Донбасс һәм Новороссиядә бу сумма ике тапкырга күбрәк—2 миллион”, - диде Путин.