Данир Сабировны УНИКСтагы концертыннан куып чыгарганнар

"Бер дошманымдыр инде...",- дип аңлата моны артист үзе. Шартлаткыч җайланма куелу турында хәбәр алу сәбәпле, Данир Сабировның концертын туктатып, урамга куып чыгарганнар.

«УНИКС» мәдәни-спорт комплексы бинасында шартлаткыч җайланма булуы турында хәбәр Данир Сабиров концертында тәнәфес вакытында килгән. Комплекска оператив рәвештә барлык экстрен хезмәтләр җыелган. Бинадан меңгә якын кешене һәм 150 хезмәткәрне чыгарганнар.

Гадәттән тыш хәлнең сәбәпләре ачыклана.

Данир Сабиров концерт өзелгән өчен гафу үтенгән. «Саперлар эшләп бетергәч, керәчәкбез. Гафу үтенәм көтелмәгән хәл килеп чыкканга», — ди җырчы һәм юмор остасы.

Чыганак: https://tatar-inform.tatar/