Фирма җитәкчесе 190 мең сумлык хезмәт хакы буенча бурыч аркасында суд каршына басачак
Татарстанда судка автомобильләрне яңадан җиһазлауда махсуслашкан фирма директорына карата җинаять эше җибәрелгән. Аны хезмәт хакын түләмәүдә гаеплиләр, дип хәбәр итте Россия Тикшерү комитетының ТР буенча Тикшерү идарәсе җитәкчесенең өлкән ярдәмчесе Андрей Шептицкий.
Тикшерү фикеренчә, 2024 елның июленнән 2025 елның гыйнварына кадәр фирма җитәкчесе элеккеге эшчегә хезмәт хакын түләмәгән. Хезмәткә түләү буенча бурыч 191 мең сумнан аз гына артыграк тәшкил иткән.
Тикшерү вакытында җитәкче бурычын тулысынча каплаган. Хөкем карары буенча мөмкин булган түләүләрне тәэмин итү өчен, тикшерүчеләр аның 450 мең сумнан артык мөлкәтен кулга алганнар.
Чыганак:Татар-информ
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев