Яман шеш булмасын дисәң, яшәү рәвешен үзгәрт

Галимнәр раславынча, рак авыруы очракларының 40 проценты тирәсе һәм бу чирдән үлем-китемнәрнең яртысы үзебездән тора. Аларның фикеренчә, профилактика чараларын күбрәк куллану яман чир очракларын сизелерлек дәрәҗәдә киметергә мөмкин. Белгечләр иң элек тартуны ташларга киңәш итә. Бу зарарлы гадәт үпкә, бугаз, үңәч, тамак һәм сулыш юлларында рак авыруы килеп чыгу куркынычын арттыра чөнки. Белгечләр шулай ук хәмердән баш тартырга чакыра. Монысы авыз куышлыгында һәм тамакта яман шешкә китерергә мөмкин. Тагын бер куркыныч әйбер – симерү. Аның ашказаны, бавыр һәм туры эчәктә рак сәбәбенә әйләнү ихтималы бар. Ә инде тән тиресендә яман шеш куркынычын киметү өчен кояштан саклану кремын сөртү киңәш ителә. Инде килеп, онкологлар күбрәк хәрәкәтләнергә өнди. Аз кыймылдау ашказаны, үңәч һәм юан эчәккә рак куркынычы белән яный, дигән фикердә алар.

Чыганак: https://vatantat.ru/2024/07/147523/