Июнь аенда Казан халкы өчен вакантлы эш урыннары ярминкәләре узачак

Вакансияләр мини-ярминкәсе 15 июньдә 10:00 сәгатьтән 12:00 сәгатькә кадәр Р. Зорге урамы, 102 адресы буенча урнашкан Халыкны эш белән тәэмин итү үзәгендә узачак. Вакансияләр Совет районында яшәүчеләргә тәкъдим ителәчәк. Тулырак мәгълүматны +7(843)205-54-53 телефоны буенча белергә мөмкин.

Авиатөзелеш һәм Яңа Савин районы буенча Халыкны эш белән тәэмин итү үзәгендә эш табарга 21 июньдә ярдәм итәчәкләр. Шәһәрлеләрне 10:00 сәгатьтән 12:00 сәгатькә кадәр Ибраһимов проспекты, 41 адресы буенча көтәчәкләр. Белешмәләр өчен телефон: +7 (843) 560-88-98.

Шулай ук 21 июньдә Мәскәү һәм Киров районнары халкы өчен вакансияләр мини-ярминкәсе узачак. Эш бирүчеләр халык белән 10:00 дән 12:00 гә кадәр Гагарин урамы, 46 адресы буенча очрашачак. Тулырак мәгълүматны +7(843)564-58-72 телефоны буенча белергә мөмкин.

Чаралар сериясен Вахитов һәм Идел буе районнарының Халыкны эш белән тәэмин итү үзәгендәге вакансияләр мини-ярминкәсе тәмамлаячак. Ул 22 июньдә 9:00 дән 12:00 гә кадәр узачак. Эш эзләүчеләрне Бертуган Касыймовлар урамы, 22/7 адресы буенча кабул итәчәкләр. Сорауларны +7(843)224-86-83 телефоны буенча бирергә мөмкин.

Исегезгә төшерәбез, узган ел Казанның Халыкны эш белән тәэмин итү үзәгенә эш эзләү өчен 17 меңнән артык кеше мөрәҗәгать иткән — 2021 елга караганда 8,7 меңгә кимрәк. Аларның 10,5 меңе (60 проценты) эшкә урнаштырылган. Еш кына эш эзләүчеләр транспорт, сәүдә, җитештерү, төзелеш һәм медицина тармакларында эш табалар.

Чыганак: Татар-информ