Казанда ишегалдында автомобиль юлга йөгереп чыккан баланы таптаткан

(Казан, 2 февраль, «Татар-информ», Павел Климчак). Бүген кичке сәгать дүрттә Казанда Салих Батыев урамындагы торак йорт ишегалдында юл-транспорт һәлакәте булган.

«Якынча мәгълүматлар буенча, Subaru автомобиле иминлек тизлеген сайламаган һәм туктап торган транспорт артыннан йөгереп чыккан 6 яшьлек малайны таптаткан. Бала әнисе белән бергә булган», — диде Казанның ЮХИДИ Юл хәрәкәте иминлеген пропагандалау бүлегенең өлкән инспекторы Эльмира Әхмәтшина.

Һәлакәттә бала төрле имгәнүләр алган, аны хастаханәгә илткәннәр.

 https://tatar-inform.tatar/news/incident/02-02-2022/kazanda-ishegaldynda-avtomobil-yulga-y-gerep-chykkan-balany-taptatkan-5848502