Бу атнада яңгыр явачак +20 градуска кадәр җылылык көтелә

автор, 2 октябрь 2023 - 08:45

541

Атна башында урыны белән бераз яңгыр явачак, көндезге һава температурасы +17..+20 градус тәшкил итәчәк. Бу хакта ТР Гидрометеорология һәм әйләнә-тирә мохитне күзәтү идарәсе хәбәр итә.

Бу атнада яңгыр явачак +20 градуска кадәр җылылык көтелә

2 октябрьдә, төнлә, иртән һәм көндез урыны белән бераз яңгыр көтелә. Көньяк-көнбатыштан секундына 6-11 метр тизлектә искән җилнең юнәлеше көнбатышка күчә һәм урыны белән секундына 14 метрга кадәр көчәя. Төнге сәгатьләрдә һава температурасы +8..+13, көндез +17..+20 градус тәшкил итәчәк.

Сишәмбе дә бераз яңгыр көтелә. Көньяк-көнбатыштан секундына 5-10 метр тизлектә искән җилнең юнәлеше төньяк-көнбатышка күчә һәм урыны белән секундына 13 метрга кадәр көчәя. Төнлә һава температурасы +6..+11 градус тәшкил итсә, көндез термометрның терекөмеш баганасы +13..+18 градуска кадәр күтәреләчәк.