Рөстәм Миңнеханов 2030 елга кадәр Татарстан фәненең векторын билгеләде
Агымдагы унъеллык дәвамында Татарстан фәне ресурслар белән тәэмин ителеш һәм алынган нәтиҗәләр буенча принципиаль яңа дәрәҗәгә күтәрелергә тиеш.
Бу ил һәм республиканың технологик һәм икътисади үсешендәге ыргылыш өчен кирәк. Татарстан Рәисе Рөстәм Миңнеханов Россия Фәне көне уңаеннан ТР Фәннәр академиясендә фәнни җәмәгатьчелекнең тантаналы җыелышында шулай дип белдерде.
Ул билгеләп үткәнчә, тантананың нәкъ менә ТР Фәннәр академиясе мәйданчыгында үтүе Татарстандагы фәнни бергәлек өчен аның интеграцион функциясенең әһәмиятен искәртә.
«Россия Фәне көне Татарстан өчен аерым әһәмияткә ия. Әле XIX йөздә үк барлыкка килгән Казан фәнни мәктәпләре республиканы чит төбәкләрдә дә танытты. Татарстан галимнәренең бүгенге буыны үз элгәрләренең эшен лаеклы рәвештә дәвам итә», - дип мөрәҗәгать итте Рөстәм Миңнеханов залда утыручыларга.
Ул Россия субъектларының илкүләм фәнни-технологик үсеш рейтингында республиканың бишенче урынны биләвен билгеләп үтте. Бу – аның территориясендә эшләүче 13 мең галимнең казанышы. Төбәк тикшеренү учреждениеләренең «Фән һәм университетлар» илкүләм проектының барлык төп чараларында да уңышлы катнашуы - әлеге эшнең нәтиҗәле булуына тагын бер дәлил.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев