Татарстан елгаларында су куркынычсыз дәрәҗәдә

Соңгы тәүлектә күпчелек елгаларда су кимүе күзәтелгән. Кайбер урыннарда ул 1–8 сантиметрга төшкән. Аерым алганда,  Зәй елгасында су дәрәҗәсе 20 см га, ә Үләмә елгасында 31 см га кимегән.

Шул ук вакытта берничә елгада бераз күтәрелү теркәлгән. Шушма, Бөрсет, Минзәлә, Ык һәм Сөн елгаларында су 1–5 см га арткан. Кече Чирмешән елгасында исә күтәрелеш 14 см тәшкил иткән.

Республика буенча су күрсәткечләре әле дә ташу куркынычы дәрәҗәсенә җитмәгән. «Елгаларда су дәрәҗәсе куркыныч билгеләрдән түбән кала», — дип белдерделәр МЧСның төбәк идарәсендә.

Шул ук вакытта язгы ташуга әзерлек мәсьәләсе контрольдә кала. Татарстан Премьер-министрының беренче урынбасары Рөстәм Нигъмәтуллин сүзләренә караганда, быел язгы ташу көчле булу ихтималы бар. Моңа кышкы чорда явым-төшем күләменең климатик нормадан артып китүе сәбәпче.

Республикада язгы ташуга әзерлек кысаларында 513 млн сум акча каралган. Тиешле хезмәтләр елгалар торышын даими күзәтеп бара.

Халыкка оператив мәгълүматны рәсми чыганаклардан күзәтеп бару тәкъдим ителә.

Чыганак: Татар-информ