Татарстанда 29 градуслы салкыннар көтелә

автор, 10 февраль 2024 - 13:02

1008

Бүген, 10 февральдә, төнге һәм иртәнге сәгатьләрдә Татарстанда температура сизелерлек төшә. Бу хакта Татарстан Гидрометеорология үзәге хәбәр итә.

Республикада күк йөзе аязучан болытлы булачак. Төнлә төбәк буенча, шул исәптән Казанда да, урыны белән бераз кар яву дәвам итә. Көндез явым-төшем туктый.

Республикада, башкалабызда да, көнбатыш һәм көньяк-көнбатыштан 5-10 м/с тизлектә җил фаразлана. Юлларда бозлавык барлыкка килә.

Тәүлекнең караңгы вакытында Татарстанда һава температурасы -17,3 градустан алып (Казанның Фәйзи һәм Бигичев урамнары чатында һаваның пычрануын күзәтү постының 4.59 сәгатьтәге мәгълүматларына караганда) -29,2 градуска кадәр (Мөслим метеостанциясенең 5.20 сәгатьтәге мәгълүматлары) тәшкил итә. Түбән температура (-25..-29 градуска кадәр) иртән дә сакланачак, дип кисәтә метеорологлар.