Татарстанда дөге, карабодай һәм тары ярмасы арзанайды

автор, 24 декабрь 2022 - 08:06

882

Татарстанда 12 декабрьдән 19 декабрь аралыгында карабодай, дөге һәм тары ярмасына бәя төшкән.Яшелчәләр, киресенчә, кыйбатланган. Бу хакта Татарстанстат хәбәр итте.

Татарстанда дөге, карабодай һәм тары ярмасы арзанайды

Карабодай ярмасының бәясе 1,5% ка – килограммы өчен 83,2 сумнан 82 сумга кадәр кимегән. Бу вакыт эчендә тары 1,3% ка – килограммы өчен 43,5 сумнан 42,9 сумга кадәр, дөге бәясе 89,7 сумга кадәр төште.

Моннан тыш, он, тоз һәм шикәр арзанайды. Бер килограмм он – 43 сум, шикәр – 60 сум, тоз 14 сум тора.

Шул ук вакытта бу җиде көн эчендә кыяр, бәрәңге һәм суган кыйммәтләнде. Кыяр 5,5% ка, килограммы өчен 149 сумга, суган килограммы өчен 9% ка, ә бәрәңге 4,7% ка – 27,5 сумга кадәр күтәрелде.