Татарстанда җепшек кар фаразлана

Гоголь сүзләренчә, 22 октябрьдә Татарстан ерак төньяк циклонның җылы секторында булачак. Аязучан болытлы һава, төнлә һәм иртән аерым районнарда томанлы һава көтелә. Төнлә җитди явым-төшем булмаячак.

Ә менә көндез, атмосфера фронты якынлашу белән, урыны белән бераз яңгыр явачак һәм җил секундына 15 метрга кадәр көчәячәк. Төнлә нульдән +5 градуска кадәр булачак, көндез +9...+14 градуска кадәр.

23 һәм 24 октябрьдә Татарстан төньяк циклон йогынтысында булачак. Һава температурасы чәршәмбе көндез +8..+13 градус, пәнҗешәмбе көндез +6..+ 11 градус булачак. 23 һәм 24 октябрьдә төнге температура +3..+8 градуска кадәр җитәчәк.

23 октябрьдә урыны белән бераз яңгырлар ява. Ә 24 октябрьдә республика территориясе атмосфера фронты зонасында булачак: яңгырлар бөтен җирдә дә явачак, моннан тыш, көчле көнбатыш җиле секундына 15-18 метр тизлектә булыр дип фаразлана.

25 һәм 26 октябрьдә яңгыр, урыны белән җепшек кар явуы көтелә. Температура түбәнәя: төнлә нульдән +5 градуска кадәр, ә көндез +2..+7 градуска кадәр.

Чыганак: https://tnv.ru/tat/news/tatarstan/423111-atna-akhyrynda-tatarstanda-epshek-kar-farazlana/