Татарстанда яшүсмерләр өчен турслет узачак

Мәйданчык булып Лаеш районындагы «Волга» яшьләр үзәге торачак.

Чарада 14 яшьтән 17 яшькә кадәрге 60 яшүсмер катнаша алачак. Гаризалар 15 июньгә кадәр кабул ителәчәк.

Катнашучылар өчен белем бирү һәм спорт программасы әзерләнгән. Яшүсмерләр «Учаклар», «Төеннәр», «Палаткалар», «Ориентлашу» мастер-классларына йөриячәкләр, ярыш уеннарында һәм «Хәзинә тап»квестында катнашачаклар.

Шулай ук алар поход туризмының база күнекмәләрен үзләштерәчәкләр – карта һәм компас буенча ориентлашу, учак ягу, йокы урыны әзерләү һәм башка гамәли күнекмәләр.

Катнашу өчен конкурс биремен үтәргә кирәк – 6 яшьтән 25 яшькә кадәрге балаларда һәм яшьләрдә походларны оештыру күнекмәләрен үстерүгә юнәлдерелгән чара программасын эшләргә кирәк.

Төбәк туристлык слеты беренчеләр хәрәкәтенең «Беренчеләрнең походлары – сәяхәткә караганда зуррак» флагман проектының, Росмолодежның «Сәяхәткә караганда зуррак» программасы һәм «Яшьләр һәм балалар» милли проектының бер өлеше булып тора.

Тулырак: Татар-информ