Татарстанда төнлә -6 градуска кадәр салкын булуы көтелә

автор, 25 октябрь 2023 - 09:31

830

Бүген, 25 октябрьдә, Татарстан территориясендә болытлы һава торышы, җепшек кар явуы һәм кыска вакытлы буран чыгуы көтелә. Бу хакта ТР Гидрометеорология һәм әйләнә-тирә мохитне күзәтү идарәсе хәбәр итә.

Татарстанда төнлә -6 градуска кадәр салкын булуы көтелә

Һава температурасы төнге сәгатьләрдә -6..-1, көндез исә -2..+1 градус тәшкил итәчәк. Көчле җил көтелә, төнлә аның тизлеге урыны белән секундына 15 метрга кадәр җитәргә мөмкин.

Элегрәк ТР Гидрометеорология һәм әйләнә-тирә мохитне күзәтү идарәсе машина йөртүчеләрне һәм җәяүлеләрне республика юлларында кар боткасы һәм бозлавык барлыкка килүе хакында кисәткән иде.