Тямаевлар гаиләсендә зур вакыйга

автор, 21 март 2024 - 08:36

1578

Бүген иртән Татарстанның атказанган артисты Фирдүс Тямаевның кызы дөньяга килгән. Ул бу хакта социаль челтәрләрдә хәбәр итә.

“Хәзер мин дә өч бала атасы”, – ди ул. Без исә, хатыны Резедәнең бәби көткәнен күптән белгән идек инде. Фирдүснең әнисе Галия апа әйтеп ычкындырган иде. Әмма сер сакларга кушты. –Резедәмнең кыз бала табасы төшемә керде. Озак та үтмәде, Фирдүс әни сиңа яңалыгыбыз бар иде, ди. Ул әйткәнче, мин үзем әйтеп бирдем, – дигән иде. Аннан соң безгә Фирдүс белән күп тапкыр сөйләшергә туры килде. – Бәби көтәбез дип аны дөнья чыгарып ташламыйлар инде. Без алдан фотолар куеп, кычкырып йөрү яклы түгел. Менә балам исән-сау туар, үзем хәбәр итәрмен, – дигзн иде. Без исә җырчылар гаиләсен чын күңелдән тәбрик итәбез. Сау-сәламәт сабый булып, тигезлектә үссен.