Менә без дә очраштык әле!..
Ярты гасырдан соң үзебез укып чыккан Шушмабаш урта мәктәбенә кайттык. 51 дип әйтергә генә җиңел. Шушы вакыт эчендә кайсыларыбыз белән ниләр генә булмаган да, ниләр генә баштан узмаган. Дөрес, без өченче ел да очрашкан идек. Үткән ел теге зәхмәт вирус аркасында җыелыша алмадык. Быел ният-теләкләр тормышка ашты. 10нчы А сыйныфын бергә тәмамлаган дуслар, авылдашлар белән Шушмабашка җыйналдык.
