Кәбестә маринадлау РЕЦЕПТЫ

автор, 3 ноябрь 2021 - 10:08

1277

Бер тәүлек эчендә әзер була торган ашап туймаслык кәбестә.

2 кг кәбестә
1 кишер
1 чөгендер
3-4 төш сарымсак
Чөгендер, кишерне, сарымсакны боҗралап, кәбестәне эре кисәкләргә турап, чиратлаштырып кәстрүлгә тутырабыз.

Маринад ясыйбыз:
2 л кайнап чыккан суга 10-12 данә хуш исле борыч, 7-8 дәфнә яфрагы, 10 -12 кипкән канәфер, 3 аш кашыгы тоз, 300 гр шикәр комы, 200 гр 9 процентлы аш серкәсе,150 гр сыек май салабыз. Барсын бергә болгатабыз да, кәбестә өстенә агызабыз.
Өстен тәлинкә белән каплап, бер тәүлеккә калдырабыз.