1 сентябрьдә линейкага тезелү булмаячак

Быел 1 сентябрьдә традицион мәктәп линейкалары булмаячак. Тантаналы чараның форматы коронавирус аркасында үзгәрә. Бу хакта “Пандемиянең беренче нәтиҗәләре: дөнья мәгариф системасы өчен чакырулар һәм яңа мөмкинлекләр” халыкара конференциясендә Россия мәгариф министры Сергей Кравцов хәбәр итте.
“Без аларны аз гына башка форматта уздырачакбыз, әмма укучылар мәктәпкә киләчәк, без укытучылар мәктәпләргә килер һәм белем бирү процессы башланыр дип өметләнәбез”, — дип министрның сүзләрен китерә ТАСС.

Шул ук вакытта ведомство җитәкчесе 1 сентябрьнең ничек узачагын әлегә ачыкламый. Аның сүзләренә караганда, яңа уку елы яңа коронавирус инфекциясе таралуга юл куймас өчен барлык хәвефсезлек таләпләрен исәпкә алып башланачак. Шул ук вакытта, Мәгариф министрлыгының көндезге уку форматыннан баш тартырга нияте юк.
Фото: activityedu.ru

https://kiziltan.rbsmi.ru/articles/obraz/1-sentyabrd-lineykaga-tezel-bulmayachak-359080/