Бер фатирда биш яңа туган сабыйны тапканнар

Полиция хезмәткәрләре Мәскәүнең Останкино районындагы йортның бер фатирында биш яңа туган бала тапкан. Бу хакта ТАСС хокук саклау органнарына сылтама белән хәбәр итә. Балалар фатирда Азия илләреннән килгән няня белән була, ул бу сабыйларның каян һәм кемнеке булуларын аңлатып бирә алмаган.

"Останкино районындагы фатирда полицейскийлар биш яңа туган бала тапкан. Аларның иң өлкәненә - бер ай чамасы, иң кечкенәсенә нибары берничә көн", — дип хәбәр иткәннәр чыганакка. Алар әйтүенчә, күршеләре балалар елавын ишеткән һәм полиция чакырган.

Яңа туган сабыйлар дәвалау оешмасына китерелгән. Полиция әлеге очрак буенча тикшерү башлаган.
 

Фото: mysyzran.ru

https://kiziltan.rbsmi.ru/articles/khokuk/Ber-fatirda-bish-ya-a-tugan-sabiyni-tapkannar-335608/