Кичә исерек йөртүче таптап үтергән 15 яшьлек кызны җирләгәннәр

http://arskmedia.ru/news/rayon-yaalyklary/kyz-lak-bulgan-eget-komada

Машина белән идарә итүче 37 яшьлек ир-ат исерек була. Алкотестер аның канында 1,732 промилле алкоголь булуын күрсәтә. Бу турыда «Башинформ» язды. Мәрхүмә белән булган үсмерләрнең тагын икесе хастаханәдә ята. Кызны җирләргә барлык сыйныфташлары да килгән. Сыйныф җитәкчесе Виктория Ильясова сүзләренчә, Лиана бик акыллы кыз булган.
«Бик ачык шәхес иде, Ул отличница, спортчы, бик акыллы, бик тәрбияле кыз иде. Бик киң күңелле, ягымлы, аңлаучан булды. Лиана көрәш белән шөгыльләнде, республика ярышларында беренче урыннар алды. Аның гаиләсе дә бик яхшы. Баланы яратып үстерделәр», — ди ул. «Коточкыч фаҗига. Ышанып булмый. Исерек килеш рульгә утырган машина йөртүчене кырыс хөкем көтә дип ышанам», — дип язган Иглин районы башлыгы Николай Самойленко социаль челтәрләрдә. Ул мәрхүмәнең туганнарының кайгысын уртаклашкан. 37 яшьлек Динар М. ны бүген суд карары буенча кулга алганнар. Бу турыда «Башкортстан» телевидениесе хәбәр итте. «Дүрт үсмерне таптаган Динар М.га карата чикләү чарасы кабул ителде. Суд карары белән ул ике айга СИЗОга озатыла. Авариядә 15 яшьлек бала һәлак булды. машина йөртүче бик исерек халәттә була», диелә бу хәбәрдә.

Чыганак: Интертат
 http://shahrikazan.ru/news/kyiskacha-ya%D2%A3alyiklar/iserek-eget-taptap-tergn-15-yashlek-kyzny-irlgnnr