Шура авылында төнлә коточкыч янгын була.
Кичә төнге сәгать 11дә Шура авылында янгын чыга. Авыл мулласы Илдар Шәмәрдановның йорты, каралты-курасы, мунчасы тулысынча янып бетә. Күрше йортның мунчасы, лапасы, янәшәдәге өченче йорт шулай ук яна. Янгын П хәрефен хәтерләтте, диләр. Зыян күргән янәшәдәге ике йорт буш торган була.
Шәмәрдановлар авыл халкына бик рәхмәтле. Янгынны сүндерергә булышкан өчен. Хәтта күрше-тирә авыллардан да киләләр.
Илдар белән Әлфинур бер кыз бер малай үстерәләр. Алар үз гаиләләре белән читтә яшиләр. Тәрбиягә алган 15 яшьлек ике уллары бар. Ярый әле күршедә Илдар туып-үскән төп йорт исән- сау. Алар шунда сыена.
Бүген зыян күрүчеләр янына район башлыгы Илшат Нуриев та килә. Зыян күрүчеләр янында булганнан соң, авылда янгынчыларга су алу мөмкинлеге бармы- юкмы -- бу мәсьәлә белән дә кызыксына.
Тулырак итеп район газетасында язарбыз.
Хөрмәтле райондашлар, янгыннан зыян күрүчеләрне ялгыз калдырмыйк, мөмкинлектән чыгып булышыйк.
Акча күчерү өчен Ак Барс банкындагы исәп: 2200530184999779 Шамарданова Альфинур.
Илдар хәзрәтнең телефон номеры Сбербанк картасына тоташкан: 89179106849.
Иртәгә Шурада күмәк өмә булачак. Янгын калдыкларын җыештырачаклар.
Хәзер Арча һәм Арча районы яңалыкларын безнең Telegram-каналдан да белә аласыз
Нет комментариев