Ана капиталы акчасын куллану ысулларын күбәйттеләр – яңа законга күзәтү ("Интертат", Ольга Ильина)

Ана капиталын нинди белем алуга кулланып була?

Ана капиталы акчалары белән балалар бакчасыннан алып университетка кадәр булган төрле дәрәҗәдәге белем бирү учреждениеләрендә уку өчен түләргә була.  

Шулай ук:

• белем бирү оешмасы биргән тулай торак өчен;
• оешмада баланы караган, тәрбияләгән өчен түләп була .

Балага ничә яшь тулгач кулланырга?

Гадәттә, балага өч яшь тулганын көтәргә кирәк. Вузга укырга кергән вакытта яше 25тән узмаска тиеш.

Искәрмә – балалар бакчасы өчен түләү: бу очракта ана капиталыннан бала туганнан соң ук файдаланырга мөмкин.

Кемнең укуы өчен түләргә була?

Ана капиталын гаиләдә теләсә кайсы баланың укуы өчен тотарга ярый. Шулай ук бер үк вакытта берничә балага белем бирү өчен түләү мөмкинлеге дә бар.

Оешмаларга нинди таләпләр?

Оешма Россия территориясендә урнашкан һәм аның тиешле лицензиясе булырга тиеш.

Моннан тыш, Дәүләт Думасы 15 июль көнне яңа закон кабул итте. Яңа канун шәхси эшмәкәрләрнең хезмәте өчен түләргә рөхсәт бирде, әмма бу эшчәнлек баланы укытуга юнәлдерелгән булырга тиеш. Элек ата-аналарга мондый хокук бирелмәгән иде.

Бу хакта тулырак: https://intertat.tatar/news/ana-kapitalynnan-faidalanunyn-yana-ysullary-5854409