Министр Айрат Хәйруллин: “Телефоныма шалтыраткан мошенникларга акча тәкъдим иттем, алмадылар”

Россия Саклык банкының 900 телефон номерыннан дигән булып, алдап шалтыратучы мошенниклар турында министр үзе сөйләгән. “Бу юлы бик әдәпле кырыкалдарлар шалтыратты. Аларга шунда ук акча күчерергә тәкъдим иттем, никтер ризалашмадылар”, – дип ирония белән язган ул Telegram-каналында.

Министр кисәтә: мошенниклар халыкның башын бутау өчен Россия Саклык банкының 900 телефон номерын файдалана башлаган. “Шик тудырмас өчен “00” цифлары урынына “оо” хәрефләрен язып куялар. Моның өчен махсус телефон номерларын үзгәртергә ярдәм итүче хезмәтләрдән файдаланалар. Кесә телефоны шалтыраганда, санмы бу, хәрефме икәне аңлашылмый да. Сак булыгыз!” – дип кисәтә Айрат Хәйруллин.

Чыганак: https://vatantat.ru/2023/02/104597/