Өлешчә мобилизацияләнүчеләрнең балаларына 20 мең сумлык түләү кайчан бирелә башлаячагын әйттеләр

автор, 18 октябрь 2022 - 16:01

862

Татарстанда мобилизациягә эләккән ирләрнең 18 яшькәчә балаларына бер тапкыр 20 мең сум акча түләнәчәк. Бу хакта Татарстанның хезмәт, Халыкны эш белән тәэмин итү һәм социаль яклау министры Эльмира Зарипова хәбәр итте (»Ватаным Татарстан »).

Өлешчә мобилизацияләнүчеләрнең балаларына 20 мең сумлык түләү кайчан бирелә башлаячагын әйттеләр

– Бу акча автомат рәвештә түләнми. Аны алыр өчен күп кенә мәгълүматларны тикшерергә кирәк. Без өлешчә мобилизацияләнгән кешеләрнең гаиләләрен йөреп чыктык. Әгәр солдат әтинең балалары бар икән, алар дәүләттән бирелә торган ярдәмгә өметләнә ала, – ди Эльмира Зарипова. – Өйләргә килүчеләр сезгә гариза кәгазен калдырачак. Бу гаризаны күрсәтелгән вакытка тутырып, үз районыгызда урнашкан матди ярдәм күрсәтү үзәгенә илтеп тапшырырга кирәк. Үзегез белән паспорт, балагызның туу турындагы таныклыгын, акча күчерер өчен исәп-хисап счетларын алыгыз. Туу таныклыгында әтисе дигән урында мобилизацияләнгән ирнең исеме торырга тиеш. Хәрби комиссариаттан бернинди белешмә дә кирәкми.

Район-авылларда бу хакта беләләр икән инде. Ә менә шәһәрләр белән эшләр бераз катлаулырак. Солдат әти теркәлгән урында гаиләнең яшәмәве дә ачыклана икән. Шуңа да Казан һәм Чаллы шәһәрләрендә гаризаларны балалар бакчасы һәм мәктәпләр аша тапшырачаклар. Министр киләсе атна башыннан сабыйларга 20 мең сум килә башлаячак дип ышандырды.