Арск-Информ
  • Рус Тат
  • Вәлиеваның һәм Россия җыелма командасының Олимпиада алтын медален алырга мөмкиннәр

    Олимпиадада фигуралы шууда команда ярышлары нәтиҗәләре буенча Россия җыелма командасын алтын медальләр белән бүләкләү допинг-тест нәтиҗәсе аркасында кичектерелә.

    (Казан, 9 февраль, «Татар-информ», Артур Хәлилуллов). Допинг белән бәйле җәнҗал аркасында Камилә Вәлиеваны һәм фигуралы шуу буенча Россия җыелма командасын Олимпиадада яулаган алтын медальләрдән мәхрүм итәргә мөмкиннәр.

    Олимпиадада фигуралы шууда команда ярышлары нәтиҗәләре буенча Россия җыелма командасын алтын медальләр белән бүләкләү допинг-тест нәтиҗәсе аркасында кичектерелә. Бу хакта Inside the Games порталы хәбәр итә.

    Чыганак мәгълүматлары буенча, әлегә кемнең тестына карата сораулар тууы билгеле түгел. Тимераякта шуучыларның халыкара берлеге бу хәлгә инде реакциясен белдерде. «Хәл кичә туды, һәм монда Халыкара Олимпия комитеты белән юридик консультацияләр таләп ителә», — диелә мөрәҗәгатьтә. Бүләкләү тантанасы кичә үк узарга тиеш иде.

    Исегезгә төшерәбез, фигуралы шуу буенча Россия җыелма командасы команда турнирында алтын медальләр яулады. Ә Камилә Вәлиева ирекле программада ялгыз шуучы хатын-кызлар арасында турнирны ышанычлы җиңү белән тәмамлады.

    Реклама

    Камилә Вәлиеваның искиткеч чыгышы һәм фигуралы шуу буенча Россия җыелма командасының команда турнирында өстенлекле җиңүен тренерлар штабының сәер карарлары ямьсезләде. Әлеге карарлар шәхси зачетта тагын да дәрәҗәлерәк ярышларда тискәре йогынты ясарга мөмкин.

    Алга таба Олимпиадада фигуралы шуу буенча шәхси ярышлар узачак. Камилә Вәлиева, Александра Трусова һәм Анна Щербакова бозга 15 февральдә кыска программа белән чыгачак.

    Элегрәк абруйлы The Wall Street Journal басмасы Камилә Вәлиеваның Пекин Олимпиадасында фигуралы шуу буенча команда турнирында ясаган чыгышын көн яңалыгы дип атаган иде.  

     https://tatar-inform.tatar/news/sport/09-02-2022/v-lievany-m-rossiya-yelma-komandasyny-olimpiada-altyn-medalen-alyrga-m-mkinn-r-5848974

    Хәзер Арча һәм Арча районы яңалыкларын безнең Telegram-каналдан да белә аласыз

     

    Иң мөһим һәм кызыклы язмаларны Татмедиа Telegram-каналында укыгыз


    Реклама

    Нравится
    Поделиться:
    Реклама
    Комментарии (0)
    Осталось символов: