«Арча-Арена» спорт мәктәбе

Тасвирлама:
2014 елда ачылган спорт мәктәбе «Арча Арена» боз сараенда урнашкан. Боз сарае - ясалма боз белән капланган, бозда шуу, хоккей уйнау өчен барлык таләпләргә җавап бирә торган заманча ябык шугалак. Боз сараенда тренажер залы, медицина кабинеты, душ бүлмәләре һәм 292 урынлы трибуна бар.
Эш вакыты:
дүш-якш 08:00 – 20:00
Телефон:
- +7(843)-663-57-04
Адресы:
Арча шәһәре, Себер тракты, 14А

«Арча Арена» Боз сараеның ишекләре спортчылар өчен генә ачык түгел: тимераякта шуарга өйрәнергә, үзен спорт формасында тотарга яки яхшы кәефтә булырга теләгән һәркем бирегә шимбә-якшәмбе кичке сәгатьләрдә, каникул көннәрендә массалы шууга килә ала. Гаилә яки дуслар белән күңелле дә, файдалы да итеп вакыт үткәреп, яхшы кәеф алу өчен дә боз сарае менә дигән урын! Тимераяклары булмаганнар да борчылмасын, биредә аларны прокатка бирәләр.