Арча район Мәдәният йорты

Тасвирлама:
Арча районының мәдәни тарихы аның барлыкка килүенең беренче көннәреннән башлана. 1920 елдан 1946 елга кадәр районнарның мәдәният бүлекләре ТАССР Халык комиссариаты составында була. 1946 елдан республикада сәнгать эшләре буенча идарәләр һәм мәдәният мәгариф учреждениеләре оештырыла башлый. 1953 елдан ТАССР Мәдәният министрлыгы оеша.
Эш вакыты:
дүш-җом 08:00 – 23:00, шим 08:00 – 13:00
Төшке аш тәнәфесе:
12:00 – 13:00
Телефон:
- +7 (843) 663-33-94
Адресы:
Арча шәһәре, Советлар мәйдан, 17 йорт

Арча районы мәдәният йортының тарихы Арча районы төзелүнең беренче көннәреннән башлана: 1920 елдан 1946 елга кадәр районнарның мәдәният бүлекләре ТАССР Халык комиссариаты составында була. 1946 елдан республикада сәнгать эшләре буенча идарәләр һәм мәдәният мәгариф учреждениеләре оештырыла башлый. 1953 елдан ТАССР Мәдәният министрлыгы оеша. 30 нчы елларда авыл хуҗалыгы һәм колхозлар каршында клуб учреждениеләре төзелә һәм ачыла, үзешчән сәнгать үсә. Район мәдәният йорты Октябрь урамындагы агач бинада (элекке пионерлар йорты бинасы) иҗатка бай тормыш алып бара: сәхнәдә спектакльләр куела, концертлар үткәрелә. Район мәдәният йортының беренче директоры Х.Гайнетдинов була (1945-1947 еллар). 1972 елда район мәдәният йортының ике катлы яңа бинасы ачыла, бу арчалылар һәм район халкы өчен зур һәм әһәмиятле вакыйга була. 2002 елда район мәдәният йортының мансард катына капиталь ремонт ясалды. 2010 елда реконструкция ясалды. Арча районындагы авылларда Мәдәният йортының филиаллары, клублар эшли. Арча район Мәдәният йорты Арча районы халкына рухи азык бүләк итүдә күп көч куеп эшли. Биредә ел әйләнәсе төрле мәдәни чаралар узып тора. шулай ук мәдәният хезмәткәрләре балалар, яшьләр, өлкән буын вәкилләре өчен мәдәни түгәрәкләр алып бара һәм райондашларыбыз республика, Россия күләмендәге мәдәни бәйгеләрдә катнашып, дәрәҗәле урыннар яулап, районыбыз данын еракларга тарата.