Татарстанда 28 мәктәп китапханәчесе Мактау тактасына кертелгән
Татарстанның Электрон Мактау тактасына республиканың шәһәр һәм районнарыннан 28 мәктәп китапханәчесе кертелгән. Бу хакта ТР Мәдәният министрлыгы хәбәр итә. 26 октябрьдә Халыкара мәктәп китапханәләре көне билгеләп үтелә. Мактау тактасы республика халкының һөнәри казанышларын, намуслы хезмәтен һәм төбәк үсешенә керткән өлешен бәяләү максатыннан булдырылган.
